മൂവാറ്റുപുഴ: ജില്ല ഹെഡ് ലോഡ് ആൻഡ് ജനറൽ വർക്കേഴ്‌സ്‌ യൂനിയൻ (എ.ഐ.ടി.യു.സി) യുടെ നേതൃത്വത്തിൽ ആലുവ, മുവാറ്റുപുഴ, പെരുമ്പാവൂർ ക്ഷേമ ബോർഡ് ഓഫീസുകളിലേക്ക് വ്യാഴാഴ്ച രാവിലെ 10ന് തൊഴിലാളികൾ മാർച്ചും ധർണ്ണയും നടത്തും. യന്ത്രവത്കരണം മൂലം തൊഴിൽ നഷ്ടപ്പെടുന്ന തൊഴിലാളികളെ സംരക്ഷിക്കുക, മിനിമം പെൻഷൻ 5000 രൂപയാക്കുക, അനധികൃതമായി 26 (എ) കാർഡ് നൽകുന്ന എ.എൽ.ഒമാർക്കെതിരെ നടപടി സ്വീകരിക്കുക, ചുമട്ടുതൊഴിലാളികൾക്ക് ബോണസ് അനുവദിക്കുക എന്നീ ആവശ്യങ്ങൾ ഉന്നയിച്ചാണ് മാർച്ച്. ആലുവയിൽ നടക്കുന്ന ധർണ്ണ സി.പി.ഐ ജില്ല സെക്രട്ടറി പി. രാജുവും, മുവാറ്റുപുഴയിൽ ധർണ്ണ എ.ഐ.ടി.യു.സി. ജില്ല പ്രസിഡൻറ് കെ.കെ. അഷ്റഫും, പെരുമ്പാവൂരിലെ ധർണ യൂനിയൻ ജില്ല പ്രസിഡൻറ് സി.വി. ശശിയും ഉദ്ഘാടനം ചെയ്യുമെന്ന് ജില്ല ജനറൽ സെക്രട്ടറി കെ.എ. നവാസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.