കൊച്ചി: കലാലയ രാഷ്ട്രീയ നിയമനിര്മാണം ധൃതഗതിയില് നടപ്പാക്കണമെന്നാവശ്യപ്പെട്ട് സെപ്റ്റംബര് 27ന് സെക്രേട്ടറിയറ്റിലേക്ക് എം.എസ്.എഫ് ഗ്രേറ്റ് മാര്ച്ച് സംഘടിപ്പിക്കുമെന്ന് സംസ്ഥാന പ്രസിഡൻറ് മിസ്ഹബ് കീഴരിയൂര് വാര്ത്തസമ്മേളനത്തില് പറഞ്ഞു. ജൂലൈ 26ന് 'കഠാര വെടിയുക, തൂലികയേന്തുക' പ്രമേയമുയര്ത്തി വിവിധ കലാലയങ്ങളിലൂടെ ആരംഭിച്ച സംസ്ഥാനയാത്രക്ക് പരിസമാപ്തി കുറിച്ചാണ് ഗ്രേറ്റ് മാര്ച്ച് സംഘടിപ്പിക്കുന്നത്. അഭിമന്യു വധക്കേസ് പ്രതികളായ കാമ്പസ് ഫ്രണ്ട് പ്രവര്ത്തകരുടെ മുന്കാല രാഷ്ട്രീയ പശ്ചാത്തലം പരിശോധനക്ക് വിധേയമാക്കണമെന്നും എം.എസ്.എഫ് ആവശ്യപ്പെട്ടു. വാര്ത്തസമ്മേളനത്തില് ജനറല് സെക്രട്ടറി എം.പി നവാസ്, ഷബീര് ഷാജഹാന്, ഫൈസല് ചെറുകുന്നോന് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.