നെടുമ്പാശ്ശേരി: നെടുമ്പാശ്ശേരിയിൽനിന്നുള്ള മൂന്നാമത്തെ ഹജ്ജ് വിമാനം വ്യാഴാഴ്ച യാത്രയായി. വൈകീട്ട് 4.25നാണ് 209 പുരുഷന്മാരും 201 സ്ത്രീകളും അടക്കം 410 തീർഥാടകരുമായി സൗദി എയർലൈൻസ് വിമാനം യാത്രയായത്. ഇതിൽ 134 പേർ കോഴിക്കോട് ജില്ലയിൽനിന്നും 102 പേർ മലപ്പുറം ജില്ലയിൽനിന്നുമാണ്. ആലപ്പുഴ 10, എറണാകുളം 13, കണ്ണൂർ 87, കാസർകോട് 17, കൊല്ലം 20, കോട്ടയം എട്ട്, വയനാട് നാല്, ഇടുക്കി രണ്ട്, തൃശൂർ എട്ട്, തിരുവനന്തപുരം ഏഴ് എന്നിങ്ങനെയാണ് മറ്റ് ജില്ലകളിൽനിന്നുള്ള തീർഥാടകർ. വെള്ളിയാഴ്ച ഉച്ചക്ക് 12.25ന് പുറപ്പെടുന്ന വിമാനത്തിൽ 410 പേർകൂടി യാത്ര തിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.