മൂവാറ്റുപുഴ: പട്ടികജാതി പെൺകുട്ടിയെ കടന്നുപിടിക്കാൻ ശ്രമിച്ച ഡി.വൈ.എഫ്.ഐ പ്രാദേശിക നേതാവിനെ അറസ്റ്റ് ചെയ്യണമെന്നാവശ്യപ്പെട്ട് യൂത്ത് കോൺഗ്രസ് നിയോജക മണ്ഡലം കമ്മിറ്റിയുടെ നേതൃത്വത്തിൽ തിങ്കളാഴ്ച പൊലീസ് സ്റ്റേഷൻ മാർച്ച് നടത്തും. ആരക്കുഴ പഞ്ചായത്തിലെ ബിരുദ വിദ്യാർഥിനിയെ കടന്നുപിടിക്കാൻ ശ്രമിക്കുകയും ഇതിനെ ചോദ്യം ചെയ്ത മാതാവിനെ ജാതിപ്പേര് വിളിച്ച് ആക്ഷേപിക്കുകയും ചെയ്തെന്ന വിദ്യാർഥിനിയുടെ പരാതിയിൽ കേസെടുത്ത് ദിവസങ്ങൾ കഴിഞ്ഞിട്ടും പ്രതിയെ പിടികൂടാൻ പൊലീസ് തയാറായിട്ടില്ല. ഇതേതുടർന്നാണ് മാർച്ച് നടത്തുന്നതെന്ന് നിയോജക മണ്ഡലം പ്രസിഡൻറ് സമീർ കോണിക്കൽ പറഞ്ഞു. രാവിലെ 9.30ന് നെഹ്റു പാർക്കിൽനിന്ന് മാർച്ച് ആരംഭിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.