ആലപ്പുഴ: പാസഞ്ചർ ട്രെയിനി‍െൻറ ബ്രേക്കിന് തീപിടിച്ചത് യാത്രക്കാരെ പരിഭ്രാന്തിയിലാക്കി. ആലപ്പുഴ സ്റ്റേഷനിൽ തിങ്കളാഴ്ച വൈകീട്ട് 5.20ന് എത്തിയ എറണാകുളം-കൊല്ലം പാസഞ്ചറി‍െൻറ (5633) അവസാന ബോഗിക്കടിയിൽനിന്നാണ് തീ പടർന്നത്. ഇത് കണ്ട യാത്രക്കാർ സ്റ്റേഷൻ മാസ്റ്ററെ വിവരം അറിയിച്ചു. ഉടൻ മെക്കാനിക്കൽ വിഭാഗത്തിൽനിന്ന് ജീവനക്കാരെത്തി തീയണച്ചു. ബ്രേക്ക് സംവിധാനം തകരാറിലായതാണ് തീപിടിത്തത്തിന് കാരണം. ആരുടെയും ശ്രദ്ധയിൽെപട്ടില്ലായിരുന്നെങ്കിൽ വൻ അപകടം ഉണ്ടാകുമായിരുന്നെന്ന് റെയിൽവേ അധികൃതർ പറഞ്ഞു. ട്രെയിൻ മുക്കാൽ മണിക്കൂർ വൈകിയാണ് ആലപ്പുഴയിൽനിന്ന് പുറപ്പെട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.