ആലുവ: കേരള എൻ.ജി.ഒ അസോസിയേഷൻ ആലുവ താലൂക്ക് കമ്മിറ്റിയുടെ നേതൃത്വത്തിൽ സായാഹ്ന ധർണ നടത്തി. കെ.എസ്.ആർ.ടി.സി ബസ് സ്റ്റാൻഡിന് മുന്നിൽ നടന്ന ധർണ കെ.പി.സി.സി നിർവാഹക സമിതി അംഗം കെ.വി. മുരളി ഉദ്ഘാടനം ചെയ്തു. പ്രസിഡൻറ് കെ.കെ. ജോൺ അധ്യക്ഷത വഹിച്ചു. യു.ഡി.എഫ് മണ്ഡലം ചെയർമാൻ ലത്തീഫ് പൂഴിത്തറ, ജോസി പി. ആൻഡ്രൂസ്, ആനന്ദ് ജോർജ്, അസോസിയേഷൻ ജില്ല സെക്രട്ടറി കെ.എ. വിനേഷ്, ബി. സരീഷ്, ജി. മഞ്ചേഷ് എന്നിവർ സംസാരിച്ചു. കേന്ദ്ര -സംസ്ഥാന സർക്കാറുകളുടെ ജനദ്രോഹ നയങ്ങൾ അവസാനിപ്പിക്കുക, ഇന്ധന വില വർധന പിൻവലിക്കുക, ജി.എസ്.ടി അപാകത പരിഹരിക്കുക, നിയമ നിരോധനവും പിൻവാതിൽ നിയമനവും അവസാനിപ്പിക്കുക, വിലക്കയറ്റം തടയുക എന്നീ ആവശ്യങ്ങൾ ഉന്നയിച്ചാണ് ധർണ നടത്തിയത്. ക്യാപ്ഷൻ ea54 ngoa കേരള എൻ.ജി.ഒ അസോസിയേഷൻ ആലുവ താലൂക്ക് കമ്മിറ്റിയുടെ നേതൃത്വത്തിൽ നടത്തിയ സായാഹ്ന ധർണ കെ.പി.സി.സി നിർവാഹക സമിതി അംഗം കെ.വി. മുരളി ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.