ആലുവ: കാർ വാടകക്കെടുത്ത് കഞ്ചാവ് വിൽപന നടത്തുന്ന യുവാവിനെ എക്സൈസ് സംഘം അറസ്റ്റ് ചെയ്തു. മുകുന്ദപുരം മറ്റത്തൂർ വില്ലേജ് വെച്ചൂച്ചിറ കുന്നുമ്മേൽ വീട്ടിൽ അനേക് ഉണ്ണികൃഷ്ണനാണ് (26) അറസ്റ്റിലായത്. ഇയാളിൽനിന്ന് 550 ഗ്രാം കഞ്ചാവും വാടക കാറും പിടിച്ചെടുത്തു. ദേശീയപാതയിൽ കാറിൽ ഇടപാടുകാരെ കാത്തുനിൽക്കുമ്പോഴാണ് പ്രതിയെ അറസ്റ്റ് ചെയ്തത്. ഗൂഡല്ലൂരിൽനിന്ന് 10,000 രൂപയുടെ കഞ്ചാവ് കൊണ്ടുവന്ന് ചെറുപൊതികളാക്കി നാലിരട്ടി വരെ പണം സമ്പാദിക്കാറുണ്ടെന്ന് പ്രതി എക്സൈസിനോട് വെളിപ്പെടുത്തി. ആലുവ മേഖലയിൽ ആഗസ്റ്റിൽ 12 മയക്കുമരുന്ന് കേസാണ് എക്സൈസ് രജിസ്റ്റർ ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.