കൊച്ചി: കേരള മീഡിയ അക്കാദമി ഇൻസ്റ്റിറ്റ്യൂട്ട് ഓഫ് കമ്യൂണിക്കേഷനിൽ 2017-18 ബാച്ച് ജേണലിസം, ടി.വി ജേണലിസം, പബ്ലിക് റിലേഷൻസ് ആൻഡ് അഡ്വർടൈസിങ് കോഴ്സുകളിൽ ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ നടത്തും. പി.ആർ കോഴ്സിലേക്കുള്ളവർ 25ന് രാവിലെ 11നും ജേണലിസം, ടി.വി ജേണലിസം കോഴ്സുകളിലേക്കുള്ളവർ ഉച്ചക്ക് രണ്ടിനും കാക്കനാട്ടെ അക്കാദമി ഓഫിസിൽ എത്തണം. എഴുത്തുപരീക്ഷയും അതിനുശേഷം ഇൻറർവ്യൂവും നടത്തും. ഏതെങ്കിലും വിഷയത്തിൽ ബിരുദമുള്ള 30 വയസ്സ് കഴിയാത്തവർ അസ്സൽ സർട്ടിഫിക്കറ്റുകളുമായി എത്തണമെന്ന് സെക്രട്ടറി അറിയിച്ചു. റേഷൻ വിതരണം കൊച്ചി: ജില്ലയിൽ ഇൗ മാസത്തെ റേഷൻ സാധനങ്ങൾ എത്തിയതായി ജില്ല സപ്ലൈ ഓഫിസർ അറിയിച്ചു. അന്ത്യോദയ അന്നയോജന വിഭാഗത്തിന് കാർഡ് ഒന്നിന് 28 കിലോ അരിയും എഴ് കിലോ ഗോതമ്പും മുൻഗണന വിഭാഗത്തിൽപെട്ട കാർഡുകളിലെ ഒാരോ അംഗത്തിനും നാലുകിലോ അരിയും ഒരുകിലോ ഗോതമ്പും സൗജന്യമായി ലഭിക്കും. മുൻഗണനേതര സബ്സിഡി വിഭാഗത്തിന് രണ്ടുരൂപ നിരക്കിൽ ഒാരോ അംഗത്തിന് രണ്ടുകിലോ അരി വീതവും ഓരോ കാർഡിനും ഒരുകിലോ ഫോർട്ടിഫൈഡ് ആട്ട 15 രൂപ നിരക്കിലും കിട്ടും. മുൻഗണനേതര നോൺ സബ്സിഡി വിഭാഗത്തിന് കാർഡൊന്നിന് ആട്ട ഉൾപ്പെടെ നാല് കിലോ ഭക്ഷ്യധാന്യമുണ്ട്. അരി 8.90 രൂപ, ഗോതമ്പ് 6.70 രൂപ, ഫോർട്ടിഫൈഡ് ആട്ട കിലോക്ക് 15രൂപ നിരക്കിലും ലഭ്യമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.