ആലപ്പുഴ: ട്രെയിൻ മാർഗം കടത്തിയ മൂന്നുലക്ഷം രൂപയുടെ പുകയില ഉൽപന്നങ്ങൾ റെയിൽവേ പൊലീസ് കണ്ടെടുത്തു. രാവിലെ ഒമ്പതിന് ആലപ്പുഴ റെയിൽവേ സ്റ്റേഷനിൽ വന്ന ബംഗളൂരു-കൊച്ചുവേളി എക്സ്പ്രസിൽനിന്ന് തുണിത്തരങ്ങൾ എന്ന വ്യാജേന പോർട്ടർമാരുടെ കൈകളിൽ എത്തിയ ലഗേജ് ബോക്സിലായിരുന്നു പുകയില ഉൽപന്നങ്ങൾ. സംശയം തോന്നി റെയിൽവേ പൊലീസ് പരിശോധിച്ചപ്പോഴാണ് ലഹരി ഉൽപന്നങ്ങളാണെന്ന് മനസ്സിലായത്. 345 പാക്കറ്റ് ഹാൻസും 160 പാക്കറ്റ് കൂൾ ലിപ്പുമാണ് പെട്ടിയിൽ ഉണ്ടായിരുന്നത്. റെയിൽവേ പൊലീസ് കേെസടുത്ത് അന്വേഷണം ആരംഭിച്ചു. എസ്.ഐ ബിജുവിെൻറ നേതൃത്വത്തിലാണ് കേസ് അന്വേഷിക്കുന്നത്. മുമ്പും ഇതേ രീതിയിൽ ട്രെയിനിൽനിന്ന് ലഹരിവസ്തുക്കൾ റെയിൽവേ പൊലീസ് കണ്ടെത്തിരുന്നു. അന്നും ബംഗളൂരുവിൽനിന്നാണ് ഇവ എത്തിയത്. ഇതിെൻറ അന്വേഷണവുമായി ബന്ധപ്പെട്ട് റെയിൽവേ പൊലീസ് ഇപ്പോൾ ബംഗളൂരുവിലുണ്ട്. ഒരുപ്രതി വലയിലായതായാണ് സൂചന. പിടികൂടിയ ലഹരിവസ്തുക്കൾ ചേർത്തല കോടതിയിൽ ഹാജരാക്കുമെന്ന് റെയിൽവേ പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.