ആലങ്ങാട്: വയോധികരായ രോഗികളുമായി സ്നേഹസാന്ത്വനം പങ്കുവെക്കാൻ വിദ്യാർഥികൾ കൂവപ്പടി ബത്ലഹേം അഭയഭവനിലെത്തി. വെളിയത്തുനാട് ജ്യോതി നിവാസ് പബ്ലിക് സ്കൂൾ സിൽവർ ജൂബിലി ആഘോഷങ്ങളോടനുബന്ധിച്ച് മാസംതോറും നൽകാൻ ലക്ഷ്യമിടുന്ന പൊതിച്ചോർ വിതരണ പദ്ധതിയുടെ ഭാഗമായാണ് വിദ്യാർഥികളും അധ്യാപകരുമെത്തിയത്. 450 അഗതികൾക്ക് കുട്ടികൾ വീട്ടിൽനിന്ന് ഭക്ഷണം എത്തിച്ചുനൽകി. പ്രിൻസിപ്പൽ സിസ്റ്റർ നവ്യ, ജൂബിലി കമ്മിറ്റി ജനറൽ കൺവീനർ റിജു കാഞ്ഞൂക്കാരൻ, ജോയൻറ് കൺവീനർമാരായ സുരേഷ്, ജോർജ് തോമസ്, അധ്യാപകർ, കുട്ടികൾ എന്നിവർ അഭയഭവനിലെത്തി അഗതികളോടൊപ്പം ഭക്ഷണം കഴിച്ചു. കുശാലാന്വേഷണങ്ങളുമായി ഏറെ നേരം ചെലവിട്ടുമാണ് എല്ലാവരും മടങ്ങിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.