ആലുവ: പാലങ്ങളിൽ വൈദ്യുതി വിളക്ക് സ്ഥാപിക്കണമെന്നാവശ്യപ്പെട്ട് മന്ത്രിക്ക് നിവേദനം അയച്ചു. സീപോർട്ട്-എയർപോർട്ട് റോഡിലെയും അേപ്രാച്ച് റോഡിലെയും പാലങ്ങളിൽ വൈദ്യുതി വിളക്ക് സ്ഥാപിക്കണമെന്നാവശ്യപ്പെട്ടാണ് മന്ത്രി ജി. സുധാകരന് തുരുത്ത് സമന്വയ ഗ്രാമവേദി നിവേദനം അയച്ചത്. പെരിയാറിന് കുറുകെ മഹിളാലയം -തുരുത്ത്, തുരുത്ത് ചൊവ്വര പാലങ്ങളാണ് വൈദ്യുതി വിളക്ക് ഇല്ലാത്തതിനാൽ ഇരുട്ടിലായത്. പാലങ്ങളുടെ ഉദ്ഘാടനം കഴിഞ്ഞ് വർഷങ്ങളായിട്ടും വിളക്ക് സ്ഥാപിച്ചിട്ടില്ല. യാത്രക്കാരുടെ തിരക്കേറിയതോടെ ഇതുവഴി വാഹനങ്ങളുടെ എണ്ണവും വർധിച്ചു. വെളിച്ചമില്ലാത്തതിനാൽ പുഴയിലേക്ക് മാലിന്യം തള്ളുന്നത് പതിവാണ്. പാലങ്ങളുടെ താഴെ കഞ്ചാവുമാഫിയ പിടിമുറുക്കുന്നതായി പരാതിയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.