കോതമംഗലം:- വിദേശത്ത് ജോലി വാഗ്ദാനംചെയ്ത് ലക്ഷങ്ങൾ തട്ടിയ യുവാവിനെ അറസ്റ്റ് ചെയ്തു. തിരുവനന്തപുരം വർക്കല സ്വദേശി ചെമ്പകം സജീറിനെയാണ് (34) കോതമംഗലം പൊലീസ് സാഹസികമായി പിടികൂടിയത്. ഇയാളെ പിടികൂടാൻ ഇടവയിെല വീട്ടിൽ എത്തിയ പൊലീസ് സംഘത്തിനുനേരെ റിട്ട. പൊലീസ് ഓഫിസറുടെ നേതൃത്വത്തിെല സംഘം ആക്രമണം അഴിച്ചുവിടുകയായിരുന്നു. കോതമംഗലം സ്വദേശി ചെമ്മനാൽ അനൂപ് നൽകിയ പരാതിയുടെ അടിസ്ഥാനത്തിലാണ് അറസ്റ്റ്. അബൂദബിയിെല എണ്ണക്കമ്പനിയിൽ ജോലി വാഗ്ദാനം ചെയ്ത് രണ്ടേ കാൽ ലക്ഷം രൂപ തട്ടിയെന്നാണ് പരാതി. കോതമംഗലം എസ്.ഐമാരായ ബേസിൽ തോമസ്, കൃഷ്ണലാൽ, സി.പി.ഒമാരായ സലീം, രഘുനാഥ്, മനോജ്, ജീമോൻ എന്നിവരടങ്ങിയ സംഘമാണ് പ്രതിയെ പിടികൂടിയത്. കൃത്യനിർവഹണം തടസ്സപ്പെടുത്തിയതിന് റിട്ട. പൊലീസ് ഓഫിസർ ഉൾപ്പെടെ നാലുപേർക്കെതിരെ ജാമ്യമില്ല വകുപ്പുകൾ പ്രകാരം അയിരൂർ െപാലീസ് കേസെടുത്തിട്ടുണ്ട്. സജീറിനെ കോതമംഗലം കോടതിയിൽ ഹാജരാക്കി റിമാൻഡ് ചെയ്തു. ഇയാൾക്കെതിരെ നിരവധി പൊലീസ് സ്റ്റേഷനിൽ കേസുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.