കൊച്ചി: മെട്രോ യാത്രക്കുള്ള കൊച്ചി വൺ കാർഡ് ഇനി മുതൽ എല്ലാ സ്റ്റേഷനിൽനിന്നും ലഭ്യമാകുമെന്ന് കെ.എം.ആർ.എൽ അധികൃതർ അറിയിച്ചു. മുമ്പ് ആകെ അഞ്ച് സ്റ്റേഷനിൽ മാത്രമായിരുന്നു കാർഡ് ലഭ്യമാക്കിയിരുന്നത്. കാർഡ് ഉപയോഗിക്കുന്നവർക്ക് മെട്രോ യാത്രയിൽ 20 ശതമാനം ഇളവ് ലഭിക്കും. കൂടാതെ, മെട്രോ സ്റ്റേഷനുകളിലെ പാർക്കിങ്ങിനും മറ്റുസേവനങ്ങൾക്കും ഇളവ് നൽകുന്നുണ്ട്. 10 ശതമാനം കാഷ് ബാക്ക് ഓഫറും കെ.എം.ആർ.എൽ പ്രഖ്യാപിച്ചിട്ടുണ്ട്. ഇത് നവംബറിലും ഡിസംബറിലുമാണ് പ്രാബല്യത്തിലുണ്ടാവുക. മെട്രോ യാത്രയോടൊപ്പം ഷോപ്പിങ് ആവശ്യങ്ങൾക്കും ഉപയോഗിക്കാൻ കഴിയുന്നതാണ് കൊച്ചി വൺ കാർഡ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.