ആലുവ: നഗരത്തിലെ ഗതാഗത പരിഷ്കാരത്തിനെതിരെ പ്രതിഷേധം ശക്തമാകുന്നതിനിെടയും വൺവേ സമ്പ്രദായത്തെ അനുകൂലിച്ച് ട്രാഫിക് പൊലീസ്. നഗരത്തിലെ ശാപമായിരുന്ന ഗതാഗതക്കുരുക്ക് ഒഴിഞ്ഞതായി ട്രാഫിക് എസ്.ഐ കെ.ടി. മുഹമ്മദ് കബീർ പറഞ്ഞു. തടസ്സങ്ങളില്ലാതെ സുഗമമായി വാഹനങ്ങൾ കടന്നുപോകുന്നുണ്ട്. എന്നാൽ, വൺവേ സംവിധാനം നടപ്പാക്കുന്നതിനുമുമ്പ് റോഡിലെ കുഴികൾ അടച്ചില്ല. ട്രാഫിക് പൊലീസ് നോട്ടീസ് നൽകിയതിനെ തുടർന്നാണ് പൊതുമരാമത്ത് വകുപ്പ് ഉദ്യോഗസ്ഥർ പേരിനെങ്കിലും ചില കുഴികൾ അടച്ചത്. പഴയ മാർക്കറ്റിലെ അനധികൃത പാർക്കിങ്ങും കയറ്റിറക്കും ഒഴിവാക്കാനും നടപടി എടുത്തിട്ടില്ല. തെരുവുവിളക്കുകൾ തെളിച്ചിട്ടില്ല. ഇക്കാര്യങ്ങൾ കൂടി പരിഹരിച്ചാൽ ഗതാഗത പരിഷ്കാരം കൂടുതൽ പേർ അനുകൂലിക്കുമെന്നും ട്രാഫിക് എസ്.ഐ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.