കൊച്ചി: റെഡ്ബുൾ ബാറ്റിൽ ഫോർ ദി സ്റ്റേറ്റ് വോളിബാൾ ചാമ്പ്യൻഷിപ്പിൽ കാവന ഫ്രണ്ട്സ് വോളി ക്ലബ് കിരീടം ചൂടി. ഗ്രാൻഡ് ഫിനാലെയിൽ കെ.എ.എസ്.സി കാരിക്കോട് ടീമിനെയാണ് അവർ പരാജയപ്പെടുത്തിയത്. സ്കോർ: 15--10,15-11,9--15,15--11. വിസിബ് കൊടുംപിടി, വിജിലൻറ് കാഞ്ഞാർ, കാരിക്കോട്, ഫ്രണ്ട്സ് വോളി ക്ലബ് കാവന എന്നീ ടീമുകളാണ് മുതലക്കോടം സെൻറ് ജോർജ് ഫ്ലഡ്ലിറ്റ് സ്റ്റേഡിയത്തിൽ നടന്ന ഗ്രാൻഡ് ഫിനാലെയിൽ ഏറ്റുമുട്ടിയത്. സെമി ഫൈനലിൽ കാരിക്കോട് 3--0ത്തിന് വിജിലൻറ് കാഞ്ഞാറിനെയും കാവന 3--1ന് കൊടുംപിടിയെയും തോൽപിച്ചു. 16 വയസ്സും അതിനു മുകളിലുമുള്ള കളിക്കാർ ഉൾപ്പെട്ട 16 ടീമുകളാണ് യോഗ്യത മത്സരങ്ങളിൽ പങ്കെടുത്തത്. ടൂർണമെൻറ് ആവേശകരമായിരുന്നുവെന്ന് ഇന്ത്യൻ വോളിബാൾ ടീം മുൻ ക്യാപ്റ്റനും അർജുന അവാർഡ് ജേതാവുമായ ടോം ജോസഫ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.