കൊച്ചി: ശിശുദിനത്തോടനുബന്ധിച്ച് കുട്ടികളുടെ റാലി നടത്തുന്നത് നിരോധിക്കണമെന്ന ഹരജിയിൽ ഹൈകോടതി സർക്കാറിെൻറ വിശദീകരണം തേടി. കുട്ടികളുടെ അവകാശത്തെ ഹനിക്കുന്ന റാലി നിരോധിക്കണമെന്നാവശ്യപ്പെട്ട് തിരുവനന്തപുരം സ്വദേശി വി.കെ. വിനോദ് നൽകിയ ഹരജിയിലാണ് വിശദീകരണം തേടിയത്. തിരുവനന്തപുരത്തെ സ്കൂൾ കുട്ടികളെ സംഘടിപ്പിച്ച് എസ്.എം.വി സ്കൂൾ മൈതാനത്ത് സമ്മേളനവും തുടർന്ന് റാലിയും സംഘടിപ്പിക്കാനുള്ള നീക്കം ചൂണ്ടിക്കാട്ടി തടയണമെന്നാവശ്യപ്പെട്ടായിരുന്നു ഹരജി. അടിസ്ഥാന സൗകര്യങ്ങൾപോലും നൽകാതെ പൊരിവെയിലത്ത് കുട്ടികളെ നിർത്തി പരിപാടികൾ നടത്തുന്നത് ആരോഗ്യത്തെ കാര്യമായി ബാധിക്കുമെന്നതടക്കം ഹരജിയിൽ ഉൾപ്പെടുത്തിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.