കളങ്കിതർ പാർട്ടിക്കെതിരെ ഗ്രൂപ് യോഗം ചേർന്നവർ -തോപ്പിൽ അബു ആലുവ: പാർട്ടിക്കെതിരെ ഗ്രൂപ് യോഗം ചേർന്നവരാണ് യഥാർഥ കളങ്കിതരെന്ന് ബ്ലോക്ക് കോൺഗ്രസ് പ്രസിഡൻറ് തോപ്പിൽ അബു ആരോപിച്ചു. തട്ടിപ്പ് നടത്തിയതിനോ മയക്കുമരുന്ന് സൂക്ഷിച്ചതിനോ തെൻറ പേരിൽ ഒരു സ്റ്റേഷനിലും കേസില്ല. തനിക്കെതിരെ യോഗം ചേർന്നവരിൽ പലരും ലക്ഷങ്ങൾ മുതൽ കോടികൾ വരെ തട്ടിയ കേസിലെ പ്രതികളാണ്. സഹകരണ സ്ഥാപനങ്ങളുടെ സാരഥ്യത്തിലിരുന്നും നഗരസഭ ഭരണത്തിലിരുന്നും തട്ടിപ്പ് നടത്തിയതിന് പണം തിരിച്ചടക്കാൻ കോടതി നിർദേശിക്കപ്പെട്ടിട്ടുള്ള ആളുകളും ഗ്രൂപ് യോഗം ചേർന്നവരിൽപെടും. പാർട്ടി ഓഫിസ് വിൽപനക്കെതിരെ 2015 മുതൽ താൻ പരാതിയുമായി രംഗത്തുണ്ടെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.