മൂവാറ്റുപുഴ: കേരള പൊലീസ് അസോസിയേഷന്‍ എറണാകുളം റൂറല്‍ ജില്ല സമ്മേളനം ശനി, ഞായർ മൂവാറ്റുപുഴ കൊച്ചക്കോന്‍ ഓഡിറ്റോറിയത്തില്‍ നടക്കും. ശനിയാഴ്ച വൈകീട്ട് മൂന്നിന് യാത്രയയപ്പ് സമ്മേളനവും സെമിനാറും നടക്കും. സര്‍വിസില്‍ നിന്ന് വിരമിക്കുന്നവരെ എല്‍ദോ എബ്രഹാം എം.എല്‍.എ ആദരിക്കും. നഗരസഭ ചെയര്‍പേഴ്‌സൻ ഉഷ ശശീധരന്‍ മുഖ്യാതിഥിയാകും. തുടര്‍ന്ന് നടക്കുന്ന സെമിനാറില്‍ സെബാസ്റ്റ്യന്‍ പോള്‍ വിഷയാവതരണം നടത്തും. ഞായറാഴ്ച രാവിലെ 10.30ന് നടക്കുന്ന പ്രതിനിധി സമ്മേളനം ജോണ്‍ ഫെര്‍ണാണ്ടസ് എം.എല്‍.എ ഉദ്ഘാടനം ചെയ്യും. ജില്ല പൊലീസ് മേധാവി എ.വി.ജോര്‍ജ് മുഖ്യപ്രഭാഷണം നടത്തും. കെ.പി.എ.എറണാകുളം റൂറല്‍ പ്രസിഡൻറ് ബെന്നി കുര്യാക്കോസ് അധ്യക്ഷത വഹിക്കും. വൈകീട്ട് നാലിന് നടക്കുന്ന പൊതുസമ്മേളനം ആൻറണി ജോണ്‍ എം.എല്‍.എ ഉദ്ഘാടനം ചെയ്യും. മുഖ്യമന്ത്രിയുടെ പൊലീസ് മെഡല്‍ നേടിയവരെ ടെല്‍ക്ക് ചെയര്‍മാന്‍ എന്‍.സി.മോഹനന്‍ ആദരിക്കും. ജില്ല ലൈബ്രറി കൗണ്‍സില്‍ പ്രസിഡൻറ് എം.ആര്‍.സുരേന്ദ്രന്‍ മുഖ്യപ്രഭാഷണം നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.