കളമശ്ശേരി: സീപോർട്ട്-എയർപോർട്ട് റോഡിൽ കുഴിയിൽ ചാടിയ പാൽ ലോറി നിയന്ത്രണംവിട്ട് വിളക്കുകാൽ തകർത്ത് മീഡിയനിൽ പാഞ്ഞുകയറി. പിന്നാലെ വന്ന ബൈക്ക് ലോറിയിൽ ഇടിക്കാതിരിക്കാൻ വെട്ടിച്ചതോടെ മീഡിയനിൽ തട്ടി മറിഞ്ഞു. അപകടത്തിൽ ബൈക്ക് യാത്രക്കാരനായ അരവിന്ദ് (21), പാൽ ലോറി ഡ്രൈവർ ജോസഫ് (25) എന്നിവർക്ക് പരിക്കേറ്റു. ഇവർ സ്വകാര്യ ആശുപത്രിയിൽ ചികിത്സ തേടി. തൃപ്പൂണിത്തുറയിൽനിന്ന് പറവൂർ ഭാഗത്തേക്ക് മിൽമ പാൽ കയറ്റിവന്ന ലോറിയാണ് അപകടത്തിൽപെട്ടത്. ഞായറാഴ്ച രാവിലെ 11.30 ഓടെ സീപോർട്ട്-എയർപോർട്ട് റോഡിൽ കൈപ്പടമുകൾ വളവിലാണ് സംഭവം. വെള്ളം നിറഞ്ഞുകിടന്ന റോഡിലെ കുഴിയിൽ ചാടിയ ലോറി നിയന്ത്രണംവിട്ട് വലതുവശത്തെ മീഡിയനിൽ പാഞ്ഞുകയറുകയായിരുന്നു. സോളാർ വിളക്കുകാൽ തകർത്താണ് ലോറി മീഡിയനിൽ ഇടിച്ചുനിന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.