മൂവാറ്റുപുഴ: പായിപ്ര പഞ്ചായത്ത് പ്രസിഡൻറായി കോൺഗ്രസിലെ ആലീസ് കെ. ഏലിയാസിനെ തെരഞ്ഞെടുത്തു. മുസ്ലിം ലീഗിലെ എം.ബി. ഇബ്രാഹീമാണ് വൈസ് പ്രസിഡൻറ്. യു.ഡി.എഫിലെ മുൻ ധാരണയനുസരിച്ച് പ്രസിഡൻറായിരുന്ന ലീഗിലെ നൂർജഹാൻ നാസറും വൈസ് പ്രസിഡൻറായിരുന്ന കോൺഗ്രസ് അംഗം മാത്യൂസ് വർക്കിയും രാജിെവച്ച ഒഴിവിലായിരുന്നു തെരഞ്ഞെടുപ്പ്. ഇടതുമുന്നണിയിൽനിന്നും പ്രസിഡൻറ് സ്ഥാനാർഥിയായി സി.പി.എമ്മിലെ മറിയംബീവി നാസറും വൈസ് പ്രസിഡൻറ് സ്ഥാനത്തേക്ക് സി.പി.ഐയിലെ നസീമ സുനിലും മത്സരിച്ചിരുെന്നങ്കിലും ഒമ്പതിനെതിരെ 13 വോട്ടുകൾക്ക് പരാജയപ്പെട്ടു. തെരഞ്ഞെടുപ്പ് നടപടികൾക്ക് താലൂക്ക് സ്റ്റാറ്റിസ്റ്റിക്കൽ ഓഫിസർ രാധാകൃഷ്ണൻ നേതൃത്വം നൽകി. യു.ഡി.എഫ് നേതൃത്വത്തിലുള്ള 22 അംഗ പഞ്ചായത്ത് ഭരണസമിതിയിൽ കോൺഗ്രസിന് ഏഴും ലീഗിന് ആറും അംഗങ്ങളാണുള്ളത്. സി.പി.എം ഏഴ് സി.പി.ഐ രണ്ട് എന്നിങ്ങനെയാണ് ഇടതു മുന്നണിയിലെ കക്ഷിനില.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.