കൊച്ചി: മെട്രോയിൽ കത്രികയുമായി എത്തിയ ബാർബർ ജോലി ചെയ്യുന്നവർക്ക് യാത്ര ചെയ്യാനായില്ല. ആയുധങ്ങളൊന്നും വണ്ടിയിൽ കയറ്റാൻ അനുവദിക്കില്ലെന്നതിനാൽ ഇവർക്കു പ്ലാറ്റ്ഫോമിലേക്ക് പ്രവേശിക്കാൻ കഴിഞ്ഞില്ല. പാലാരിവട്ടം സ്റ്റേഷനിലെത്തി ടിക്കറ്റെടുത്ത ശേഷം സുരക്ഷ പരിശോധനക്ക് എത്തിയപ്പോഴാണ് കത്രിക അനുവദിക്കില്ലെന്ന് അറിയിച്ചത്. ജോലിയുടെ ഭാഗമായുള്ളതാണെന്ന് പറഞ്ഞെങ്കിലും ആയുധങ്ങളെല്ലാം നിയമ വിരുദ്ധമാണെന്ന് അറിയിക്കുകയായിരുന്നു. എങ്കിൽ തങ്ങൾ യാത്ര െചയ്യുന്നില്ലെന്ന് പറഞ്ഞ് അവർ മടങ്ങി. ടിക്കറ്റ് തുക അധികൃതർ തിരികെ നൽകുകയും ചെയ്തു. ഇവർ പരാതിപ്പെടാതിരുന്നതിനാൽ സംഭവം വിവാദത്തിന് വഴിവെച്ചില്ല. സ്കാനറിൽ പരിശോധന നടത്തുമ്പോൾ മൂർച്ചയേറിയ ആയുധങ്ങളൊന്നും അനുവദിക്കില്ല എന്നതിനാലാണ് അവരെ ഒഴിവാക്കേണ്ടിവന്നതെന്ന് പാലാരിവട്ടം മെട്രോ സ്റ്റേഷനിലെ സുരക്ഷ ഉദ്യോഗസ്ഥർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.