കൊച്ചി: ആലുവ യു.സി കോളജിലെ 1960--2015 കാലഘട്ടത്തിലെ പൂർവവിദ്യാർഥികളുടെയും അധ്യാപകരുടെയും സംഗമം 'യു.സി എെൻറ സ്‌നേഹതീരം' പരിപാടി ജൂലൈ ഏഴിനും എട്ടിനും നടക്കും. ഏഴിന് വൈകീട്ട് നാലിന് രജിസ്‌ട്രേഷന്‍ ആരംഭിക്കും. 4.30ന് ഫോട്ടോഗ്രഫി പ്രദര്‍ശനവും തുടര്‍ന്ന് പൂർവവിദ്യാർഥികളുടെ വിവിധ കലാപരിപാടികളും ഉണ്ടായിരിക്കും. എട്ടിന് രാവിലെ 9.30ന് ഡോ. ഫിലിപ്പോസ് മാര്‍ ക്രിസോസ്റ്റം , സി.എസ്. ഫിലിപ്പ് എന്നിവര്‍ക്കും 18 അധ്യാപകര്‍ക്കും സ്വീകരണം നൽകും. സ്‌നേഹതീരം 2017െൻറ ഉദ്ഘാടനം രാവിലെ 10ന് ഡോ. ഫിലിപ്പോസ് മാര്‍ ക്രിസോസ്റ്റം നിര്‍വഹിക്കും. തുടര്‍ന്ന് യു.സി കോളജിലെ 75െൻറ നിറവിലെത്തിയ 18 ഗുരുക്കന്മാരെ ആദരിക്കും. വൈകീട്ട് അഞ്ചിന് സമാപന സമ്മേളനം നടത്തും. ഫോണ്‍: 9447161637. ucsnehatheeram.in. വാർത്തസമ്മേളനത്തില്‍ പ്രഫ.പി.ജെ. ജോസഫ്, പ്രഫ. വി.ടി.ജോയ് എന്നിവരും പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.