മൂവാറ്റുപുഴ: ആത്മഹത്യ ചെയ്യാനായി പുഴയിൽ ചാടിയ വീട്ടമ്മ ആളുകൾ ബഹളം വെച്ചതോടെ നീന്തി രക്ഷപ്പെട്ടു. നഗരത്തിലെ വലിയ പാലത്തിൽനിന്നും ചൊവ്വാഴ്ച വൈകീട്ട് നാല്മണിയോടെയാണ് പായിപ്ര സ്വദേശിനിയായ വീട്ടമ്മ പുഴയിൽ ചാടിയത്. തിരക്കേറിയ സമയമായതിനാൽ സംഭവം കണ്ട് നിരവധി പേർ പാലത്തിൽ തടിച്ചുകൂടി ബഹളം വെച്ചു. ഇതോടെ വിരണ്ടുപോയ വീട്ടമ്മ സ്വയം നീന്തി. സംഭവം കണ്ടുനിന്ന മറ്റൊരാളും ഇവരെ രക്ഷപ്പെടുത്താനായി പുഴയിൽ ചാടിയെങ്കിലും വീട്ടമ്മ നീന്തി ജനതകടവിൽ കയറുകയായിരുന്നു. ഇതിനിടെ നാട്ടുകാർ ഫയർഫോഴ്സിനെയും വിവരമറിയിച്ചിരുന്നു. ഇവർ സ്ഥലത്തെത്തിയപ്പോഴേക്കും വീട്ടമ്മ രക്ഷപ്പെട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.