കളമശ്ശേരി: ദേശീയപാതയിൽ സ്വകാര്യബസുകൾ കൂട്ടിയിടിച്ച് ഒമ്പതുപേർക്ക് പരിക്ക്. ബസിലെ യാത്രക്കാരായ കൊരട്ടി ചെമ്പന്നൂർ ബാബു (40), മലയാറ്റൂർ ഞലയിൽ പോൾ (44), മേജേത്ത് ബെന്നി (46), തായിക്കാട്ടുകര പാറക്കുളത്ത് സലാം (39), അടുവാശ്ശേരി കുഴിവേലിപ്പറമ്പിൽ മിഹില (20), കൊരട്ടി കോലോത്ത് സന്തോഷ് (42), യു.സി കോളജ് വടക്കേപ്പറമ്പിൽ ഡോ. തഷീന (32), എൻ.എ.ഡി കണർകാട്ട് ലിഖ (23), കാക്കനാട് കൊച്ചുപുനത്തിൽ തസ്നി നിഷാദ് (32) എന്നിവരാണ് പരിക്കുകളുമായി ആലുവ കാരോത്തുകുഴി ആശുപത്രിയിൽ ചികിത്സ തേടിയത്. ഉച്ചക്ക് 2-.30ന് ദേശീയപാത കളമശ്ശേരി മുട്ടം പാലത്തിനുസമീപത്താണ് അപകടം. എറണാകുളത്തുനിന്ന് വരുകയായിരുന്ന സ്വകാര്യബസുകളിൽ മുന്നിൽ പോയ ബസ് പെട്ടെന്ന് ബ്രേക്കിട്ടതോടെ പിന്നിൽ വന്ന ബസ് ഇടിക്കുകയായിരുന്നു. ഇടിയുടെ ആഘാതത്തിൽ പിന്നിൽ വന്ന ബസിെൻറ മുൻവശം പൂർണമായും തകർന്നു. ഇതിലെ യാത്രക്കാർക്കാണ് പരിക്കേറ്റത്. അതേസമയം, ബസുകളുടെ മത്സര ഓട്ടമാണ് അപകടത്തിന് കാരണമെന്ന് യാത്രക്കാർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.