ആലുവ: തോട്ടക്കാട്ടുകര-കടുങ്ങല്ലൂര് റോഡില് ഭാരവാഹനങ്ങള് മൂലമുള്ള ദുരിതം ഒഴിയുന്നില്ല. റോഡിന് കുറുകെ കടന്നുപോകുന്ന അക്വഡറ്റില് വലിയ വാഹനങ്ങള് കുരുങ്ങി അപകടമുണ്ടായി. വെള്ളിയാഴ്ച പുലര്ച്ചെ രണ്ടോടെയാണ് അപകടമുണ്ടായത്. കണ്ടെയ്നര് ലോറിയാണ് അക്വഡറ്റില് തട്ടിയത്. വാഹനം പിറകോട്ട് എടുക്കവെ മൂന്ന് വൈദ്യുതി തൂണുകള് ഒടിഞ്ഞു. വൈദ്യുതി കമ്പികളും പൊട്ടി. ഉടന് വൈദ്യുതി ബന്ധം നിലച്ചതിനാല് വലിയ ദുരന്തം ഒഴിവായി. നിരവധി മരക്കൊമ്പുകളും ലോറിതട്ടി ഒടിഞ്ഞു. സമീപവാസികളുടെ മതിലുകള്ക്കും കേടുപറ്റി. ഭാരവാഹനങ്ങള് അക്വഡറ്റില് തട്ടി അപകടമുണ്ടകുന്നത് പതിവാണ്. റോഡിന് വീതികുറവായതിനാല് വാഹനങ്ങള് തിരിച്ച് പോകാന് കഴിയില്ല. ഭാരവാഹനങ്ങളുടെ പ്രവേശനം തടയുന്നതിന് റോഡിന് രണ്ടറ്റങ്ങളിലും ക്രോസ് ബാര് സ്ഥാപിക്കാന് നാട്ടുകാര് പലതവണ നിവേദനം നല്കിയിട്ടും നടപടിയുണ്ടായില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.