മാവേലിക്കര: പത്രവാര്‍ത്തകള്‍ കൊണ്ട് ക്രിസ്മസ് നക്ഷത്രം ഒരുക്കി കാഴ്ചക്കാരെ വിസ്മയിപ്പിച്ച് മാവേലിക്കര സ്വദേശി. ഗാന്ധി ശില്‍പിയും പ്രചാരകനുമായ ബിജുവില്ലയില്‍ ബിജു ജോസഫാണ് തന്നെക്കുറിച്ച് വന്ന വാര്‍ത്തകള്‍ ശേഖരിച്ച് 11 അടി ഉയരമുള്ള ക്രിസ്മസ് നക്ഷത്രം നിർമിച്ചത്. മഹാത്മാഗാന്ധിയുടെ നൂറിനടുത്ത് പ്രതിമകള്‍ സൗജന്യമായി ഇന്ത്യയിലെ വിവിധ സംസ്ഥാനങ്ങളിലും അമേരിക്കയിലും സ്ഥാപിച്ചതുമായി ബന്ധപ്പെട്ട് ബിജുവിനെക്കുറിച്ച് വന്ന മലയാളം, തമിഴ്, ഇംഗ്ലീഷ്, മറാത്തി, വിദേശ പ്രസിദ്ധീകരണങ്ങള്‍ ഉൾപ്പെടെ എഴുനൂറോളം വാര്‍ത്തകള്‍ ചേര്‍ത്തിണക്കിയാണ് നക്ഷത്രം നിര്‍മിച്ചത്. മള്‍ട്ടിവുഡ്, കാന്‍വാസില്‍ പ്രിൻറ് ചെയ്ത വാര്‍ത്തകള്‍ എന്നിവയാണ് നക്ഷത്രത്തിെൻറ നിര്‍മാണ വസ്തുക്കള്‍. മാവേലിക്കര കോടതി റോഡിലെ അമല ഇൻറീരിയേഴ്‌സ് ഓഫിസിന് മുന്നിലാണ് നക്ഷത്രം പ്രദര്‍ശിപ്പിച്ചിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.