ആലുവ: അന്താരാഷ്ട്ര അറബിദിനത്തോടനുബന്ധിച്ച് പൊതുവിദ്യാഭ്യാസ വകുപ്പും കെ.എ.ടി.എഫും ചേർന്ന് സംഘടിപ്പിച്ച അറബി കൈയെഴുത്ത് മാസിക മത്സരത്തിൽ ആലുവ ചാലക്കൽ ദാറുസ്സലാം എൽ.പി സ്കൂൾ ഒന്നാം സ്ഥാനം നേടി. വിദ്യാർഥികൾ തയാറാക്കിയ 'നൗർ' മാസികക്കാണ് ഒന്നാം സ്ഥാനം. മാഗസിന് പിന്നിൽ പ്രവർത്തിച്ച അധ്യാപകരായ നൂർജീൻ, ഖമറുന്നിസ, സമദ്, ഷഫീഖ് എന്നിവരെയും വിദ്യാർഥികളെയും പി.ടി.എയും മാനേജ്മെൻറും ചേർന്ന് അനുമോദിച്ചു. അസ്ഹറുൽ ഉലൂം കോളജ് പ്രിൻസിപ്പൽ ഡോ. കുഞ്ഞുമുഹമ്മദ് പുലവത്ത്, പ്രധാനാധ്യാപകൻ കെ.എ. ഫാഹിം, സ്റ്റാഫ് സെക്രട്ടറി കെ.ആർ. ഹേമ, എസ്.ആർ.ജി കൺവീനർ മേരി ഉമ്മൻ എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.