കമ്യൂണിറ്റി/മാനേജ്മെൻറ്/സ്പോര്ട്സ് േക്വാട്ട പ്രവേശനം തിരുവനന്തപുരം: യോട് അഫിലിയേറ്റ് ചെയ്തിട്ടുള്ള എയ്ഡഡ് കോളജായ തിരുവനന്തപുരം മുളയറ ആര്ട്സ് ആൻഡ് സയന്സ് കോളജിലെ 2017-18 അധ്യയനവര്ഷത്തെ കമ്യൂണിറ്റി, മാനേജ്മെൻറ്, സ്പോര്ട്സ് േക്വാട്ടകള് വഴിയുള്ള പ്രവേശനത്തിന് ആഗസ്റ്റ് 22 മുതല് 24 വരെ കോളജില് അപേക്ഷ സമര്പ്പിക്കാം. ആഗസ്റ്റ് 26, 29, 30 തീയതികളിലായി പ്രവേശനം നടക്കും. സര്വകലാശാലയിലേക്ക് പ്രത്യേക അപേക്ഷ സമര്പ്പിക്കേണ്ടതില്ല. സ്പോട്ട് അഡ്മിഷന് ഗവ./എയ്ഡഡ്/സ്വാശ്രയ/യു.ഐ.ടി കോളജുകളില് 2017--18 അധ്യയനവര്ഷത്തെ ഒന്നാം ബിരുദ പ്രവേശനത്തിന് ജനറല്/മറ്റ് സംവരണ വിഭാഗങ്ങള്ക്ക് ആഗസ്റ്റ് 24-ന് അതത് കോളജുകളില് സ്പോട്ട് അഡ്മിഷന് നടത്തും. രാവിലെ ഒമ്പതു മുതല് ഉച്ചക്ക് 12വരെ ഹാജരാകുന്നവരെ മാത്രമേ പരിഗണിക്കൂ. ഈ സമയത്തിനകം ഹാജരാകുന്ന വിദ്യാർഥികളില്നിന്ന് റാങ്ക് പട്ടിക തയാറാക്കി ഉച്ചക്ക് 1.30 മുതല് പ്രവേശനം നടത്തും. ആഗസ്റ്റ് 22-ന് നടന്ന എസ്.സി/എസ്.ടി സ്പോട്ട് അഡ്മിഷന് ശേഷം ഒഴിവുവന്ന സീറ്റുകള് അര്ഹരായ മറ്റ് വിഭാഗങ്ങളിലേക്ക് നിയമാനുസൃതം മാറ്റി 24-ന് നടക്കുന്ന ജനറല്/മറ്റ് സംവരണ വിഭാഗങ്ങള്ക്ക് കോളജ് തലത്തില് നടക്കുന്ന സ്പോട്ട് അഡ്മിഷനില് നികത്തും. പ്രവേശന സമയത്ത് ആവശ്യമായ എല്ലാ അസ്സല് സര്ട്ടിഫിക്കറ്റുകളും (ടി.സി ഉള്പ്പെടെ) കൈവശമുള്ളവരെ മാത്രമേ പ്രവേശനം നല്കൂ. സംവരണ സീറ്റുകളില് പരിഗണിക്കപ്പെടാന് ആഗ്രഹിക്കുന്നവര് നോണ്-ക്രീമിലെയര്/ജാതി തെളിയിക്കുന്നതിനുള്ള അസ്സല് സര്ട്ടിഫിക്കറ്റുകള് ഹാജരാകണം. അസ്സല് സര്ട്ടിഫിക്കറ്റുകള് ഹാജരാക്കാത്തപക്ഷം അവരെ സംവരണ സീറ്റുകളിലേക്ക് പരിഗണിക്കില്ല. സര്ട്ടിഫിക്കറ്റുകള് ഹാജരാക്കാന് അധിക സമയം അനുവദിക്കില്ല. കോളജില് മുമ്പ് പ്രവേശനം നേടിയ വിദ്യാർഥിക്ക് അതേ കോളജിലെ മറ്റ് കോഴ്സിലേക്ക് അര്ഹതക്കനുസരിച്ച് പ്രവേശനം നേടാം. വിദ്യാർഥികള് നിലവില് ഓണ്ലൈന് അപേക്ഷയില് ഓപ്ഷന് നല്കിയ കോളജുകളില് മാത്രമേ സ്പോട്ട് അഡ്മിഷനുവേണ്ടി ഹാജരാകാന് പാടുള്ളൂ. ജനറല്/മറ്റ് സംവരണ വിഭാഗങ്ങള്ക്ക് 1525/- രൂപയാണ് സര്വകലാശാല പ്രവേശന ഫീസ്. പ്രവേശനം ലഭിച്ചാല് ഉടന് തന്നെ ഈ ഫീസ് ഒടുക്കണം. സ്പോട്ട് അഡ്മിഷനില് പങ്കെടുക്കുന്ന എല്ലാ വിദ്യാർഥികളും ഓണ്ലൈന് അപേക്ഷയുടെ പ്രിൻറൗട്ട് നിര്ബന്ധമായും കൊണ്ടുവരണം. പ്രിൻറൗട്ട് ഹാജരാക്കാത്ത ആരെയും പ്രവേശനത്തിന് പരിഗണിക്കില്ല. സ്പോട്ട് അഡ്മിഷനില് പരിഗണിക്കുന്ന ഒഴിവുകളുടെ വിവരം സര്വകലാശാല അഡ്മിഷന് പോര്ട്ടലില് (http://admissions.keralauniversity.ac.in) പ്രസിദ്ധീകരിച്ചിട്ടുണ്ട്. ഒഴിവുകളുടെ വിശദാംശങ്ങള് പരിശോധിച്ച് അതത് കോളജുകളില് ഹാജരാകണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.