കൊച്ചി: ദേശീയ വിരവിമുക്ത ദിനത്തില് ഗുളിക ലഭിക്കാത്ത കുട്ടികള്ക്ക് 17ന് സംഘടിപ്പിച്ച സമ്പൂര്ണ വിരവിമുക്ത ദിനത്തില് ജില്ലക്ക് മികച്ച നേട്ടം. 1,80,926 കുട്ടികള്കൂടി വിരക്കെതിരെ ഗുളിക കഴിച്ചു. 10ന് നടത്തിയ ദേശീയ വിരവിമുക്ത ദിനത്തില് 4,24,881 കുട്ടികളാണ് ഗുളിക കഴിച്ചത്. ഇതോടെ ജില്ലയിലെ ഒന്നിനും 19 വയസ്സിനുമിടയിലുള്ള 83.45 ശതമാനം കുട്ടികള്ക്കും (6,05,807) വിരക്കെതിരെ ഗുളിക നല്കി. ഫെബ്രുവരി 10ന് നടത്തിയ ദേശീയ വിരവിമുക്ത ദിനത്തില് 76 ശതമാനവും ആഗസ്റ്റ് 10 ന് ആദ്യമായി നടത്തിയ വിരവിമുക്ത ദിനാചരണത്തില് 60 ശതമാനവുമായിരുന്നു ജില്ലയുടെ നേട്ടം. ജില്ലയിലെ സര്ക്കാര്, കേന്ദ്രീയ വിദ്യാലയ, സി.ബി.എസ്.ഇ, ഐ.സി.എസ്.ഇ സ്കൂളുകളിലും പ്ലേ സ്കൂളുകളിലും അംഗൻവാടികളിലുമാണ് ഗുളികകള് നല്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.