നെടുമ്പാശ്ശേരി: മനസ്സുകൊണ്ട് താനും ഹജ്ജ് ചെയ്തിട്ടുണ്ടെന്ന് സി.പി.എം പോളിറ്റ്ബ്യൂറോ അംഗം എം.എ. ബേബി. ഹജ്ജ് ക്യാമ്പിൽ തീർഥാടകരെ അഭിസംബോധന ചെയ്യുകയായിരുന്നു അദ്ദേഹം. എല്ലാ മതവിശ്വാസികളും പുണ്യമെന്ന് കരുതുന്നിടങ്ങളിൽ മനസ്സുകൊണ്ടെങ്കിലും സഞ്ചരിക്കാനിഷ്ടപ്പെടുന്നയാളാണ് താൻ. ഹജ്ജിന് പോകാനാഗ്രഹിക്കുന്നവരിൽ ചെറിയൊരു ശതമാനത്തിനുമാത്രമേ ഇതിനായി ഭാഗ്യം ലഭിക്കാറുള്ളു. അതുകൊണ്ട് മറ്റുള്ളവരുടെ നന്മക്കായുളള പ്രാർഥനയും ഓരോ ഹാജിമാരിലുമുണ്ടാകണമെന്നും അദ്ദേഹം പറഞ്ഞു. അൻവർ സാദത്ത് എം.എൽ.എ, മുൻ എം.എൽ.എ എ.എം. യൂസുഫ്, ഹജ്ജ് കമ്മിറ്റി ചെയർമാൻ തൊടിയൂർ മുഹമ്മദ്കുഞ്ഞ്മൗലവി, അനസ് ഹാജി അരൂർ, ഷബീർ മണക്കാടൻ തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.