കൊച്ചി: കാർഷികമേഖല തകർന്നടിയുമ്പോൾ സർക്കാർ നടത്തുന്ന കർഷകദിനാചരണം പ്രഹസനമാണെന്ന് പ്രഖ്യാപിച്ച് ഇൻഫാമിെൻറ നേതൃത്വത്തിൽ കർഷകർ വ്യാഴാഴ്ച സംസ്ഥാനത്തുടനീളം കർഷക കണ്ണീർദിനമായി ആചരിക്കും. കൃഷിയിൽനിന്ന് പിന്തിരിയുന്നതിെൻറ പ്രതീകമായി വിവിധ കേന്ദ്രങ്ങളിൽ . സംസ്ഥാനതല പ്രതിഷേധം മൂവാറ്റുപുഴ വാഴക്കുളത്ത് വൈകീട്ട് 3.30ന് ഇൻഫാം ദേശീയ സെക്രട്ടറി ജനറൽ അഡ്വ. വി.സി. സെബാസ്റ്റ്യൻ ഉദ്ഘാടനം ചെയ്യും. സംസ്ഥാന ഡയറക്ടർ ഫാ. ജോസ് മോനിപ്പള്ളി അധ്യക്ഷത വഹിക്കും. കാർഷികപ്രതിസന്ധി രൂക്ഷമായിട്ടും ഇടപെടലുകൾക്കോ നടപടികൾക്കോ മുതിരാതെ, പഞ്ചായത്തുകൾ തോറും ആഘോഷങ്ങൾ സംഘടിപ്പിച്ച് സർക്കാർ കർഷകരെ അപമാനിക്കുകയാണെന്നും ഇതിന് മുടക്കുന്ന കോടികൾക്ക് നികുതിദായകർകൂടിയായ കർഷകരോട് സർക്കാറിന് വരുംനാളുകളിൽ കണക്കുപറയേണ്ടിവരുമെന്നും ഫാ. ജോസ് മോനിപ്പള്ളി, ജോസ് എടപ്പാട്ട് എന്നിവർ മുന്നറിയിപ്പുനൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.