കൂത്താട്ടുകുളം: കെ.എസ്.ആർ.ടി.സി പുനരുദ്ധാരണം സമയബന്ധിതമായി പൂർത്തിയാക്കണമെന്ന് കെ.എസ്.ആർ.ടി.ഇ.എ (സി.ഐ.ടി.യു)ജില്ല സമ്മേളനം ആവശ്യപ്പെട്ടു. സമ്മേളനം സി.ഐ.ടി.യു ജില്ല സെക്രട്ടറി സി.കെ. മണിശങ്കർ ഉദ്ഘാടനം ചെയ്തു. ജില്ല പ്രസിഡൻറ് പി.എം. അബ്ദുൽ ഖാദർ അധ്യക്ഷത വഹിച്ചു. കേന്ദ്ര കമ്മിറ്റി റിപ്പോർട്ട് ജനറൽ സെക്രട്ടറി സി.കെ. ഹരികൃഷ്ണനും സംഘടന റിപ്പോർട്ട് ജില്ല സെക്രട്ടറി സജിത്ത് ടി.എസ്. കുമാറും കണക്ക് ജില്ല ട്രഷറർ പി.ഡി. രാജനും അവതരിപ്പിച്ചു. സി.ഐ.ടി.യു ജില്ല ട്രഷറർ പി.ആർ. മുരളീധരൻ, അസോസിയഷൻ സംസ്ഥാന വൈസ് പ്രസിഡൻറ് എസ്. വിനോദ്, സംസ്ഥാന ഓർഗനൈസിങ് സെക്രട്ടറി വി.ഡി. ഷിബു, ടി.ആർ. സുബ്രഹ്മണ്യൻ, എം.പി. അബ്ബാസ്, പി.ടി. രാജീവ് എന്നിവർ സംസാരിച്ചു. സ്വാഗതസംഘം ചെയർമാൻ ഷാജു ജേക്കബ് സ്വാഗതവും കൺവീനർ പ്രശാന്ത് വേലിക്കകം നന്ദിയും പറഞ്ഞു. വിരമിക്കുന്ന ജില്ല കമ്മിറ്റി അംഗം സി.എൻ. സുകുമാരന് യാത്രയയപ്പ് നൽകി. ജില്ലയിലെ 11 യൂനിറ്റുകളിൽനിന്ന് 265 പ്രതിനിധികൾ സമ്മേളനത്തിൽ പങ്കെടുത്തു. ഭാരവാഹികൾ: പി.എം. അബ്ദുൽ ഖാദർ (പ്രസി), സജിത്ത് ടി.എസ്. കുമാർ (സെക്ര), ഡി. ദേവദാസ് (ട്രഷ).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.