മൂവാറ്റുപുഴ: കാക്കക്കൂട്ടം വിനയായി. നഗരത്തിൽ വൈദ്യുതി മുടങ്ങിയത് അഞ്ച് മണിക്കൂർ. പേഴയ്ക്കാപ്പിള്ളി സബ് സ്റ്റേഷനിനുള്ളിലെ 11 കെ.വി ലൈനിൽ ഒരു കൂട്ടം കാക്കകൾ പറന്നിറങ്ങിയതാണ് നഗരത്തിലടക്കം വൈദ്യുതി മുടങ്ങാൻ കാരണമായത്. തിങ്കളാഴ്ച വൈകീട്ട് മൂന്നോടെയാണ് സംഭവം. കാക്കക്കൂട്ടം പറന്നിറങ്ങിയതോടെ ലൈൻ കൂട്ടിമുട്ടി പൊട്ടിവീഴുകയായിരുന്നു. വൻ സ്ഫോടനത്തോടെ ലൈൻ പൊട്ടിവീണത് സബ് സ്റ്റേഷനിലെ വൈദ്യുതിവിതരണം അലേങ്കാലമാക്കി. ചെറിയ രീതിയിൽ തീപിടിക്കുകയും ചെയ്തു. ജീവനക്കാെരത്തി അറ്റകുറ്റപ്പണി നടത്തിയെങ്കിലും വൈദ്യുതിബന്ധം പുനഃസ്ഥാപിക്കാനായില്ല. ചാർജ് ചെയ്യുമ്പോൾ വീണ്ടും പൊട്ടിവീഴുകയായിരുന്നു. പലതവണ നന്നാക്കിയശേഷം വൈകീട്ട് 7.30ഒാടെയാണ് വൈദ്യുതി പുനഃസ്ഥാപിക്കാനായത്. മുന്നറിയിപ്പില്ലാതെ വൈദ്യുതി മുടങ്ങിയത് കുടിവെള്ള പമ്പിങ് നിലക്കാനും കാരണമായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.