മൂവാറ്റുപുഴ: ഹാജിമാരെ വിമാനത്താവളത്തിൽ കൊണ്ടുവിട്ട ശേഷം ഈരാറ്റുപേട്ടക്ക് മടങ്ങുകയായിരുന്ന ബന്ധുക്കൾ സഞ്ചരിച്ച കാറും ടാക്സി കാറും കൂട്ടിയിടിച്ച് ആറുപേർക്ക് പരിക്കേറ്റു. എം.സി റോഡിൽ പേഴയ്ക്കാപിള്ളിയിൽ തിങ്കളാഴ്ച രാവിലെ അഞ്ചരയോടെയാണ് അപകടം. ഈരാറ്റുപേട്ട കണ്ണമ്പറമ്പിൽ അനീസ് (35), തൊടുപുഴ പുത്തൻവീട്ടിൽ ലൈല (55), ഇഷാൻ (5), അബ്ദുൽ കരീം (55), അജിന (25) ടാക്സി ഡ്രൈവർ മൂവാറ്റുപുഴ ആശ്രമക്കുന്ന് പ്ലാച്ചുവട്ടിൽ സഗീർ (54) എന്നിവർക്കാണ് പരിക്കേറ്റത്. പേഴക്കാപ്പിള്ളി പള്ളിപ്പടിയിലാണ് അപകടം. ഇരുവാഹനങ്ങളും തകർന്നു. ഗുരുതര പരിക്കേറ്റ യാത്രക്കാരെ നാട്ടുകാരും ഫയർഫോഴ്സും ചേർന്ന് കോലഞ്ചേരി മെഡിക്കൽ കോളജാശുപത്രിയിൽ പ്രവേശിപ്പിച്ചു. എല്ലാവരുടെയും പരിക്ക് ഗുരുതരമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.