കാലടി: കാലടി പഞ്ചായത്ത് ഓഫിസ് കെട്ടിട നിര്മാണത്തിലെ ക്രമക്കേട് സംബന്ധിച്ച് ഉടന് അന്വേഷണം നടത്തി റിപ്പോര്ട്ട് ഹാജരാക്കാന് മൂവാറ്റുപുഴ വിജിലന്സ് കോടതി ഉത്തരവിട്ടു. കാലടി പഞ്ചായത്ത് വൈസ് പ്രസിഡന്റ് ബിജു പി. നായര് നല്കിയ പരാതിയിലാണ് ഉത്തരവ്. എറണാകുളം വിജിലന്സ് ഡിവൈ.എസ്.പി അന്വേഷണം നടത്തി റിപ്പോര്ട്ട് സമര്പ്പിക്കണം. 2013-14 കാലയളവില് നിര്മിച്ച ഓഫിസ് കെട്ടിട നിര്മാണത്തിലെ കോണ്ട്രാക്ടറായ തൂറവൂര് സ്വദേശി ബേബിച്ചന്, ഈ കാലയളവിലെ അസി.എക്സി.എന്ജനീയര്മാരായ വി.ഡി. ജലജാമണി, സി.വി. ഷൈനി അസി.എന്ജിനീയര്മാരായ എം.എന്. ഭാസി, പി. രവി എന്നിവര്ക്കെതിരെയാണ് നിര്മാണത്തില് അഴിമതി നടത്തിയിട്ടുണ്ടെന്ന് കാണിച്ച് ബിജു പി.നായര് കോടതിയില് പരാതി നല്കിയത്. വിജിലന്സിന്െറ സങ്കേതിക വിദഗ്ധ സംഘം കെട്ടിട സമുച്ചയം പരിശോധിച്ച് റിപ്പോര്ട്ട് നല്കാനും പരാതിക്കാരന് നോട്ടീസ് നല്കി പരാതിയിന്മേല് പരിശോധന നടത്താനുമാണ് കോടതി ഉത്തരവിട്ടിരിക്കുന്നത്. 1.65 കോടി രൂപ ചെലവഴിച്ചുള്ള കെട്ടിട നിര്മാണത്തില് 16 ലക്ഷം രൂപയുടെ തട്ടിപ്പ് നടത്തിയതായി പരാതിയിലുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.