പെരുമ്പാവൂര്: രായമംഗലം പഞ്ചായത്ത് 19ാം വാര്ഡില് വട്ടക്കാട്ടുപടിയില് സ്ളാബ് ഇടാതെ കിടക്കുന്ന കാനയിലേക്ക് മാലിന്യമൊഴുകുന്നു. ട്രാന്സ്പോര്ട്ട് റോഡിലെ പ്രധാന ജങ്ഷനിലാണ് കാന തുറസായി കിടക്കുന്നത്. നിരവധി വ്യാപാര സ്ഥാനങ്ങള് സ്ഥിതി ചെയ്യുന്ന പ്രധാന ജങ്ഷനാണിത്. സമീപത്തെ ഇതരസംസ്ഥാനക്കാര് താമസിക്കുന്ന നിരവധി വാടക കെട്ടിടങ്ങള് പ്രദേശത്തുണ്ട്. ഇവിടെ നിന്നും കക്കൂസ് മാലിന്യമുള്പ്പടെ കാനയിലേക്ക് ഒഴുക്കുന്നതിന് കുഴല് സ്ഥാപിച്ചിരിക്കുകയാണ്. ദുര്ഗന്ധം മൂലം ഇതരസംസ്ഥാനക്കാരൊഴികെ നാട്ടുകാരാരും ഇവിടെ തങ്ങുന്നില്ല. മാലിന്യ ഒഴുക്കുന്ന ഇരുനില കെട്ടിട ഉടമയോട് നാട്ടുകാര് നിരവധി തവണ പരാതി പറഞ്ഞിട്ടും തടയാന് തയ്യാറായില്ല. വാര്ഡ് മെമ്പര് അംഗം പഞ്ചായത്ത് അധികൃതര്ക്കും നിരവധി പരാതി നല്കിയിട്ടും നടപടി ഉണ്ടായില്ളെന്ന് നാട്ടുകാര് ആരോപിക്കുന്നു.നിരവധി പൈ്ളവുഡ് കമ്പനികള് ഉള്പ്പടെ നിരവധി മര കമ്പനികള് പ്രവര്ത്തിക്കുന്ന സ്ഥലമാണ് വട്ടക്കാട്ടുപടി. അന്യ സംസ്ഥാനക്കാരുടെ ലേബര് ക്യാമ്പുകള് നിരവധിയുള്ള ഇവിടെ മാലിന്യം നിര്മാര്ജനത്തിന് സംവിധാനങ്ങളില്ളെന്നാണ് നാട്ടുകാരുടെ പരാതി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.