മൂവാറ്റുപുഴ: മൂവാറ്റുപുഴയാറ്റില്നിന്ന് അനധികൃത മണല് കടത്ത് വ്യാപകമാകുന്നു. മാറാടി പഞ്ചായത്ത് ഒന്നാം വാര്ഡില്പെട്ട മൂവാറ്റുപുഴയാറിന്െറ മാറാടി, കായനാട്, മറ്റപ്പാടം ഭാഗങ്ങളിലാണ് മണലൂറ്റ് വ്യാപകമായത്. സന്ധ്യയാകുന്നതോടെ ആരംഭിക്കുന്ന മണലൂറ്റ് പുലര്ച്ചെവരെ തുടരുകയാണ്. ദിവസേന പത്തോളം ലോഡ് മണലാണ് ഇവിടെനിന്ന് കയറിപ്പോകുന്നത്. പഞ്ചായത്ത് മണല് കടവിന് സമീപം സ്വകാര്യ കടവുകള് നിര്മിച്ചാണിത്. പൊലീസിന്െറ ഒത്താശയോടെ നടക്കുന്ന മണലൂറ്റിനെതിരെ നാട്ടുകാര് പരാതി നല്കിയെങ്കിലും നടപടിയില്ളെന്ന് നാട്ടുകാര് പറയുന്നു.ഇതിനിടെ, തിങ്കളാഴ്ച പുലര്ച്ചെ മണല് കടത്തിക്കൊണ്ടുപോവുകയായിരുന്ന ലോറി പൊലീസ് പിടികൂടി. നാട്ടുകാര് ഉന്നത പൊലീസുകാരെ വിവരമറിയിച്ചതിനത്തെുടര്ന്ന് രാമമംഗലം പൊലീസ് സ്ഥലത്തത്തെി മണല് ലോറി പിടികൂടുകയായിരുന്നു. ലോറി ഡ്രൈവര് ബേസിലിനെയും കസ്റ്റഡിയിലെടുത്തു. മണല് വാരല് തടയാന് കര്ശന നടപടി സ്വീകരിക്കണമെന്ന ആവശ്യം ശക്തമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.