നീലേശ്വരം: കരുവാച്ചേരി റോഡരികിലെ ‘മാലിന്യച്ചാകര’ നഗരസഭ ആരോഗ്യവിഭാഗം കണ്ടില്ലെന്ന് നടിച്ചപ്പോൾ താലൂക്ക് ആശുപത്രി ആരോഗ്യവിഭാഗം അധികൃതർ നീക്കി. ഇതുസംബന്ധിച്ച് മേയ് 12ന് ‘മാധ്യമം’ വാർത്ത പ്രസിദ്ധീകരിച്ചിരുന്നു. വാർത്ത ശ്രദ്ധയിൽപെട്ട താലൂക്ക് ആശുപത്രി സൂപ്രണ്ട് ഡോ. ജമാൽ അഹമ്മദ്, ഹെൽത്ത് ഇൻസ്പെക്ടർ എച്ച്. സുബ്രഹ്മണ്യൻ, ജൂനിയർ ഹെൽത്ത് ഇൻസ്പെക്ടർ സരസ്വതി എന്നിവരുടെ നേതൃത്വത്തിൽ വെള്ളിയാഴ്ച രാവിലെ മണ്ണുമാന്തിയന്ത്രവുമായെത്തി മാലിന്യം നീക്കംചെയ്തു. നഗരസഭ ആരോഗ്യവിഭാഗത്തിെൻറ കെടുകാര്യസ്ഥത പ്രതിഷേധമുയർത്തിയിരുന്നു. മഴക്കാലത്ത് മാലിന്യനിക്ഷേപം രോഗങ്ങൾക്ക് കാരണമാകാതിരിക്കാനാണ് താലൂക്ക് ആശുപത്രി ആരോഗ്യവിഭാഗം ഇവ നീക്കംചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.