കൂളിക്കുന്ന്: കൂളിക്കുന്ന് മദ്യഷാപ്പ് വിരുദ്ധ രാപകൽ സമരം നിൽപ് സമരത്തിലേക്ക്. അനിശ്ചിതകാല രാപകൽ സമരത്തിെൻറ 75ാം ദിവസമായ വെള്ളിയാഴ്ച മുതൽ നിൽപ് സമരവുമായി കൂടുതൽ ശക്തമാക്കാൻ സമരസമിതി തീരുമാനിച്ചു. ബിവറേജസ് ഔട്ട്ലെറ്റ് സ്ഥാപിക്കാനുള്ള നീക്കത്തിനെതിരെ കൂളിക്കുന്ന് മദ്യഷാപ്പ് വിരുദ്ധ സമരസമിതി നടത്തിവരുന്ന നിൽപ് സമരം ചെമ്മനാട് ഗ്രാമ പഞ്ചായത്ത് പ്രസിഡൻറ് കല്ലട്ര അബ്ദുൽഖാദർ ഹാജി ഉദ്ഘാടനം ചെയ്യും. നിരവധി പ്രതിഷേധങ്ങളുണ്ടായിട്ടും കൂളിക്കുന്ന് ബിവറേജസ് ഔട്ട്ലെറ്റ് സ്ഥാപിക്കാനുള്ള നീക്കം ആരുടെ താൽപര്യം സംരക്ഷിക്കാനാണെന്ന് വ്യക്തമാക്കണമെന്ന് യോഗം ആവശ്യപ്പെട്ടു. സമരസമിതി ജനറൽ കൺവീനർ വിനീത് അണിഞ്ഞ സ്വാഗതം പറഞ്ഞു. ചെയർമാൻ ഗോപാലൻ നായർ എടച്ചാൽ അധ്യക്ഷത വഹിച്ചു. മുഹമ്മദ് കുഞ്ഞി, ടി. പവിത്രൻ എന്നിവർ സംസാരിച്ചു. സമരസമിതി കൺവീനർ മുഹമ്മദ് കുഞ്ഞി കുളത്തിങ്കൽ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.