ബദിയടുക്ക: കർണാടകയിൽനിന്ന് ചെക്ക്പോസ്റ്റ് വെട്ടിച്ച് കടത്തിയ ആറു ലോറി മണൽ ബദിയടുക്ക എസ്.ഐ എ. ദാമോദരെൻറ നേതൃത്വത്തിലുള്ള സംഘം പിടികൂടി. ഇന്നലെ രാവിലെ കാടമന, ബീജന്തടുക്ക എന്നിവിടങ്ങളിൽനിന്നാണ് ലോറികൾ പിടികൂടിയത്. ഡ്രൈവർമാരായ കർണാടക ഗദഗിലെ മായിലപ്പ (35), സാലത്തൂരിലെ അബ്ദുൽ ഹമീദ് (46), ഖാദർഭായി (34), കന്യാകുമാരിയിലെ ജ്ഞാനശെൽവൻ (35), തളങ്കര കടവത്തെ ഹനീഫ (32), കർണാടക പുത്തൂറിലെ ശൈഖ് ഇസ്ഹാഖ് (38) എന്നിവരെ അറസ്റ്റ് ചെയ്തു. കസ്റ്റഡിയിലെടുത്ത ലോറികൾ 60,000 രൂപ ഈടാക്കി വിട്ടയക്കുമെന്ന് പൊലീസ് അറിയിച്ചു. കുമ്പള: കർണാടകയിൽനിന്ന് കടത്തിയ പുഴമണൽ പൊലീസ് പിടികൂടി. അംഗടിമുഗർ പാലത്തിനടുത്ത് ഇന്നലെ രാവിലെയാണ് ലോറിയിൽ കടത്തുകയായിരുന്ന മണൽ പിടികൂടിയത്. സംഭവത്തിൽ കെ.എ 21-എ 6668 നമ്പർ ലോറി കസ്റ്റഡിയിലെടുക്കുകയും ഡ്രൈവർ സുങ്കതകട്ടെ സ്വദേശി ഹൈദറിനെ (35) അറസ്റ്റ് ചെയ്യുകയും ചെയ്തു. കുമ്പള എസ്.ഐ ബാബു തോമസിെൻറ നേതൃത്വത്തിലുള്ള പൊലീസ് സംഘമാണ് മണൽവേട്ട നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.