നീലേശ്വരം: ഇടത്തോട് റോഡിൽ പേരോലിൽ കാലപ്പഴക്കംചെന്ന കെട്ടിടം ഏത് നിമിഷവും റോഡിലേക്ക് വീഴാവുന്ന നിലയിലാണ്. കെട ്ടിടത്തെ താങ്ങി നിർത്തിയിരുന്ന മതിൽ കഴിഞ്ഞ മഴക്കാലത്ത് തകർന്നുവീഴുകയുണ്ടായി. ഇപ്പോൾ ഈ ഓടുമേഞ്ഞ കെട്ടിടം ഏത് നിമിഷവും യാത്രക്കാരെൻറയോ വാഹനങ്ങളുടെയോ മുകളിൽ വീഴാൻ കാത്തിരിക്കുകയാണ്. കെട്ടിടം കാലപ്പഴക്കം ചെന്നതിനാൽ നഗരസഭ കഴിഞ്ഞവർഷം ലൈസൻസ് പുതുക്കി നൽകിയിട്ടുമില്ല. എന്നാൽ, ഉടമ കെട്ടിടം പൊളിച്ചുമാറ്റാൻ തയാറാകുന്നുമില്ല: തൊട്ടടുത്ത പേരോൽ എൽ.പി സ്കൂളിലേക്ക് പോകേണ്ട പിഞ്ചുകുട്ടികളടക്കം നിരവധി കാൽനടക്കാരാണ് ഈ പഴക്കംചെന്ന കെട്ടിടത്തിെൻറ അരികിലൂടെ നടന്നുപോകുന്നത്. നഗരസഭാധികൃതർ കെട്ടിടം പൊളിച്ചുമാറ്റാൻ നടപടി സ്വീകരിക്കാത്തതിൽ കാൽനടക്കാർക്ക് പ്രതിഷേധവുമുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.