വീരാജ്പേട്ട: സംസ്ഥാന--കേന്ദ്ര സർക്കാറുകളുടെ തൊഴിലാളി--ജനവിരുദ്ധ നയങ്ങൾക്കെതിരെ പ്രതിപക്ഷ തൊഴിലാളി യൂനിയനു കളും വിവിധ സംഘടനകളും ആഹ്വാനം ചെയ്ത ദേശീയപണിമുടക്ക് കുടകിൽ ജനജീവിതത്തെ ബാധിച്ചില്ല. ജില്ല കേന്ദ്രമായ മടിക്കേരിയിലും താലൂക്ക് കേന്ദ്രങ്ങളിലും പ്രതിപക്ഷ പാർട്ടികളുടെ നേതൃത്വത്തിൽ പ്രതിഷേധ പരിപാടികൾ നടന്നു. മടിക്കേരിയിലെ ജില്ല ഭരണകേന്ദ്രത്തിനും വീരാജ്പേട്ട മിനി വിധാൻ സൗധക്ക് മുന്നിലുമാണ് തൊഴിലാളികൾ മണിക്കൂറുകളോളം കുത്തിയിരിപ്പ് സമരം നടത്തിയത്. ബാങ്കിങ്, ഇൻഷുറൻസ്, പ്ലാേൻറഷൻ, നിർമാണം മേഖലകൾ പൂർണമായും സ്തംഭിച്ചു. ഗതാഗതത്തെയും വിദ്യാഭ്യാസ സ്ഥാപനങ്ങളെയും പണിമുടക്ക് ബാധിച്ചില്ല. വീരാജ്േപട്ട സി.ഐ.ടി.യു നേതാവ് ഡോ. ഐ.ആർ. ദുർഗാപ്രസാദ് പരിപാടി ഉദ്ഘാടനം ചെയ്തു. ട്രേഡ് യൂനിയൻ നേതാക്കളായ എൻ.ഡി. കുട്ടപ്പൻ, സി.പി.ഐ ജില്ല സെക്രട്ടറി കെ.വി. സുനിൽ, മഹാദേവ് എന്നിവർ സമരത്തെ നയിച്ചു. മടിക്കേരിയിൽ സി.ഐ.ടി.യു ജില്ല സെക്രട്ടറി എ.സി. സാബു, എച്ച്.ബി. രമേശ് എന്നിവർ നയിച്ചു. ജില്ലയിലെ പ്ലാേൻറഷൻ മേഖലകളായ പോളിബെട്ട, സിദ്ധാപുരം, മാധാപൂർ എന്നിവിടങ്ങളിലെ തൊഴിലാളികൾ പണിമുടക്കിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.