കൂത്തുപറമ്പ്: ബാലഗോകുലത്തിൻെറ നേതൃത്വത്തിൽ നടന്ന വർണാഭമായ ശോഭായാത്രകൾ കൂത്തുപറമ്പ് ടൗണിനെ അമ്പാടിയാക്കി മാ റ്റി. കൂത്തുപറമ്പ് ടൗൺ, ചിറ്റാരിപ്പറമ്പ്, ചെറുവാഞ്ചേരി എന്നിവിടങ്ങളിലാണ് ശോഭായാത്രകൾ നടന്നത്. നൂറുകണക്കിന് കുരുന്നുകളാണ് ഉണ്ണിക്കണ്ണന്മാരുടെയും ഗോപികമാരുടെയും വേഷത്തിൽ ശോഭായാത്രയിൽ അണിനിരന്നത്. മഹാഭാരതത്തെ ആസ്പദമാക്കിയുള്ള നിരവധി ടാേബ്ലാകളും ശോഭായാത്രയെ ആകർഷകമാക്കി. തൊക്കിലങ്ങാടി ഹയർസെക്കൻഡറി സ്കൂളിൽനിന്ന് ആരംഭിച്ച ശോഭായാത്ര റിട്ട. ഹൈകോടതി ജഡ്ജി ജസ്റ്റിസ് കെ.പി. ജ്യോതീന്ദ്രനാഥ് ഉദ്ഘാടനംചെയ്തു. കൂത്തുപറമ്പ് നഗരസഭ, കോട്ടയം, മാങ്ങാട്ടിടം, വേങ്ങാട് പഞ്ചായത്തുകളിലെ പ്രവർത്തകരാണ് ശോഭായാത്രയിൽ അണിനിരന്നത്. കെ.ബി. പ്രജിൽ, എ.പി. പുരുഷോത്തമൻ, അഡ്വ. എം.കെ. രഞ്ജിത്ത്, പി. പ്രജിത്ത്, അഡ്വ. രാജേഷ് ഖന്ന, കെ.എ. പ്രത്യൂഷ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.