കണ്ണൂർ: നോർത്ത് മലബാർ ചേംബർ ഓഫ് കോമേഴ്സിൻെറ നേതൃത്വത്തിൽ അഗ്രി ബിസിനസ് മീറ്റ് സംഘടിപ്പിച്ചു. ജെയിംസ് മാത്യു എം.എൽ.എ ഉദ്ഘാടനംചെയ്തു. ചേംബർ പ്രസിഡൻറ് കെ. വിനോദ് നാരായണൻ അധ്യക്ഷതവഹിച്ചു. ജില്ലയിലെ കാർഷികരംഗത്ത് നൂതന സാങ്കേതിക വിദ്യകൾ നടപ്പാക്കുക, പുതിയ തലമുറയിലെ സംരംഭകരെ കാർഷിക മേഖലയിലേക്ക് ആകർഷിക്കുക, കാർഷിക ഉൽപന്നങ്ങൾക്ക് വിദേശ വിപണിയിൽ അവസരമൊരുക്കുക തുടങ്ങിയ ഉദ്ദേശ്യങ്ങളോെടയാണ് മീറ്റ് സംഘടിപ്പിച്ചത്. എ.ടി.എ.ആർ.െഎ ഡയറക്ടറും പ്രശസ്ത ശാസ്ത്രജ്ഞനുമായ ഡോ. എം.ജെ. ചന്ദ്രഗൗഡ മുഖ്യപ്രഭാഷണം നടത്തി. ഡോ. ജിജു പി. അലക്സ്, മനോജ് കുമാർ, ഡോ. പി. സൂരജ്, ഡോ. ടി.പി. സേതുമാധവൻ, വി. മഹേഷ് കുമാർ, ആർ.വി. സുരേഷ്, വി. പത്മാനന്ദ്, ദീപക് സിൻഹ, സുഭാഷ് ബാബു, പി. സന്തോഷ് എന്നിവർ സംസാരിച്ചു. ചേംബർ അഗ്രികൾചറൽ ചെയർമാൻ നാരായണൻകുട്ടി സ്വാഗതവും ഓണററി സെക്രട്ടറി സഞജയ് ആറാട്ട് പൂവാടൻ നന്ദിയും പറഞ്ഞു. വിവിധ കാർഷിക ഉൽപന്നങ്ങളുടെ പ്രദർശനവും വിപണനവുമുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.