പെരിങ്ങത്തൂർ: പകർച്ചവ്യാധികൾക്കെതിരെ ബോധവത്കരണ പ്രവർത്തനങ്ങളുമായി പെരിങ്ങത്തൂർ എൻ.എ.എം ഹയർ സെക്കൻഡറി സ്കൂളിലെ എസ്.പി.സിയും സ്കൗട്ട് ഗൈഡും രംഗത്തിറങ്ങി. പെരിങ്ങത്തൂർ എൻ.എ.എം ഹയർ സെക്കൻഡറി സ്കൂളും പാനൂർ നഗരസഭ ആരോഗ്യ കേന്ദ്രത്തിൻെറയും സംയുക്ത ആഭിമുഖ്യത്തിൽ ആണ് ബോധവത്കരണ പ്രവർത്തനങ്ങളും നോട്ടീസ് വിതരണങ്ങളും നടത്തുന്നത്. ഇതിൻെറ ഭാഗമായി സ്റ്റുഡൻറ് പൊലീസ് കാഡറ്റുകൾക്കും സ്കൗട്ട് ഗൈഡ് കുട്ടികൾക്കും ആയി ആരോഗ്യ ബോധവത്കരണ ക്ലാസ് നടത്തി. സ്കൂൾ പ്രധാനാധ്യാപകൻ എൻ. പത്മനാഭൻ ഉദ്ഘാടനം ചെയ്തു. െഡങ്കിപ്പനി നിവാരണ മാർഗങ്ങളെ കുറിച്ച് മെഡിക്കൽ ഓഫിസർ ഡോ. എം.കെ. ധന്യ വിശദീകരിച്ചു. മ-----ജ്ജിത്ത്----------, കെ. മുഹമ്മദ്, മഹേഷ്, ജസി, ബുഷറ, പി.പി. അഷറഫ് എന്നിവർ സംസാരിച്ചു. കൊതുകുകളുടെ ഉറവിടങ്ങൾ തേടി വിദ്യാർഥികൾ ഗൃഹ സമ്പർക്ക പരിപാടിയും നടത്തി. കാഡറ്റുകളായ ദിന, സാനിയ, അഭയ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.