പെരിങ്ങത്തൂർ: പാനൂർ നഗരസഭ പരിധിയിലെ സ്കൂളുകളിൽനിന്നും ഉന്നത വിജയം നേടിയ വിദ്യാർഥികളെ അനുമോദിക്കുമ്പോൾ നൽകുന്ന സർട്ടിഫിക്കറ്റിൽ ഗാന്ധിജിയുടെ ഫോട്ടോ വെക്കുകയും നഗരസഭ ഭരണസമിതിയുടെയും ചെയർപേഴ്സൻെറയും നിർദേശാനുസരണം പിന്നീട് ഫോട്ടോ എടുത്തുമാറ്റുകയും ചെയ്ത നടപടി ഗാന്ധി നിന്ദയായി മാത്രമേ കാണാൻ കഴിയൂവെന്നും മുഴുവൻ ദേശസ്നേഹികളും പ്രതിഷേധവുമായി രംഗത്തുവരണമെന്നും കോൺഗ്രസ് എസ് കരിയാട് മണ്ഡലം കമ്മിറ്റി. യോഗത്തിൽ കെ.കെ. ശങ്കരൻ മാസ്റ്റർ അധ്യക്ഷത വഹിച്ചു. ജില്ല സെക്രട്ടറി പി. പ്രഭാകരൻ മാസ്റ്റർ, ബ്ലോക്ക് പ്രസിഡൻറ് രാമചന്ദ്രൻ ജോത്സ്ന, സന്തോഷ് വി. കരിയാട്, എം.കെ. പ്രേമചന്ദ്രൻ, എൻ.സി.ടി. ഗോപീകൃഷ്ണൻ, പി.കെ. ഗോപാലകൃഷ്ണൻ എന്നിവർ സംസാരിച്ചു. കെ.കെ. രാജൻ സ്വാഗതവും പി. ജനാർദനൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.