കണ്ണൂർ സിറ്റി: ഓട്ടോ ട്രക്കുമായി കൂട്ടിയിടിച്ച് മറിഞ്ഞ് മൂന്നുപേർക്ക് പരിക്ക്. ചൊവ്വാഴ്ച രാത്രി 11.30ഓടെ മേലെചൊ വ്വ ധർമസമാജം സ്കൂളിന് സമീപത്തായിരുന്നു അപകടം. സ്വകാര്യ ഓട്ടോയും കൊച്ചിയിലേക്ക് റഫ്രിജറേറ്റർ കയറ്റി പോകുകയായിരുന്ന വലിയ ട്രക്കുമാണ് കൂട്ടിയിടിച്ചത്. പരിക്കേറ്റവരെ കണ്ണൂർ ജില്ല ആശുപത്രിയിൽ പ്രവേശിപ്പിച്ചു. ഇടിച്ചു നിർത്താതെ പോയ ട്രക്ക്, താഴെചൊവ്വ ഹൈവേയിൽ പിന്തുടർന്ന് പോയ നാട്ടുകാർ തടഞ്ഞുനിർത്തി പൊലീസിൽ ഏൽപിക്കുകയായിരുന്നു. ഡ്രൈവർ ഹരിയാന സ്വദേശി സീർ മുഹമ്മദിനെ (25) ടൗൺ പൊലീസ് കസ്റ്റഡിയിലെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.