തളിപ്പറമ്പ്: പുളിമ്പറമ്പിൽ കോൺഗ്രസ് പ്രവർത്തകനെ സി.പി.എമ്മുകാർ ആക്രമിച്ചതായി പരാതി. പുളിമ്പറമ്പ് തോട്ടാറമ്പ ിലെ തോണിക്കുഴിയിൽ ജോസ് ജോസഫ് (67) ആണ് അക്രമത്തിനിരയായത്. മഹിള കോൺഗ്രസ് തളിപ്പറമ്പ് ബ്ലോക്ക് പ്രസിഡൻറ് കുഞ്ഞമ്മ തോമസിൻെറ ഭർത്താവാണ്. ഇദ്ദേഹത്തെ പരിക്കുകളോടെ തളിപ്പറമ്പിലെ സ്വകാര്യ ആശുപത്രിയിൽ പ്രവേശിപ്പിച്ചു. വെള്ളിയാഴ്ച വൈകീട്ട് നാലുമണിയോടെ പുളിമ്പറമ്പ് തോട്ടാറമ്പിലായിരുന്നു സംഭവം. തളിപ്പറമ്പ് നഗരസഭ കൗൺസിലറും സി.പി.എം നേതാവുമായ പി. പ്രകാശൻെറ നേതൃത്വത്തിൽ 20 അംഗ സംഘം മർദിച്ചുവെന്നാണ് പരാതി. തൊഴിലുറപ്പ് തൊഴിലാളികൾ ജോസിൻെറ വീട്ടിനടുത്തുള്ള തോട് ശുചിയാക്കി പ്ലാസ്റ്റിക് മാലിന്യമുൾപ്പെടെ കത്തിച്ചിരുന്നു. ഇതിനെ ജോസ് എതിർത്തതോടെ വാക്കുതർക്കമുണ്ടായിരുന്നു. പിന്നീട് പൊലീസും നഗരസഭ അധികൃതരുമെത്തി പ്രശ്നം പരിഹരിച്ചു. അതിനുശേഷമാണ് കൗൺസിലറുടെ നേതൃത്വത്തിൽ സംഘം ചേർന്ന് ആക്രമിച്ചതെന്ന് ജോസ് പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.