തലശ്ശേരി: ജില്ല എ ഡിവിഷൻ ലീഗ് ക്രിക്കറ്റിൽ തലശ്ശേരി ബി.കെ 55 ക്രിക്കറ്റ് ക്ലബ് 66 റൺസിന് ധർമടം ഗവ. ബ്രണ്ണൻ കോളജിനെ പരാജയപ്പെടുത്തി. ആദ്യം ബാറ്റ് ചെയ്ത ബി.കെ 55 ക്രിക്കറ്റ് ക്ലബ് 30.1 ഓവറിൽ 168 റൺസിന് എല്ലാവരും പുറത്തായി. ഷബാബ് മുഷ്താഖ് അർധസെഞ്ച്വറി (64 റൺസ്) നേടി. എസ്. സൗരവ് 30 റൺസെടുത്തു. ബ്രണ്ണൻ കോളജിന് വേണ്ടി എം. അവിനാശ് 23 റൺസിന് നാലു വിക്കറ്റും അനീസ് റഹ്മാൻ 46 റൺസിന് മൂന്നു വിക്കറ്റും വീഴ്ത്തി. മറുപടിയായി ബ്രണ്ണൻ കോളജ് 28.4 ഓവറിൽ 102 റൺസിന് എല്ലാവരും പുറത്തായി. കെ.എ. അസ്ഹർ 37 റൺസെടുത്തു. ബി.കെ 55 ക്ലബിന് വേണ്ടി പി. വിഷ്ണു, എസ്. സൗരവ്, രാഹുൽ ദാസ് എന്നിവർ രണ്ടു വിക്കറ്റ് വീതം വീഴ്ത്തി. ബി.കെ 55 ക്രിക്കറ്റ് ക്ലബ് താരം ഷബാബ് മുഷ്താഖിനെ കളിയിലെ കേമനായി തെരഞ്ഞെടുത്തു. ഞായറാഴ്ച കളിയില്ല. തിങ്കളാഴ്ച നടക്കുന്ന മത്സരത്തിൽ ധർമടം ക്രിക്കറ്റ് ക്ലബ് തലശ്ശേരി സോണൽ ക്രിക്കറ്റ് അക്കാദമിയെ നേരിടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.