തലശ്ശേരി: തലശ്ശേരി സബ് റീജനൽ ട്രാൻസ്പോർട്ട് ഒാഫിസ് പുതിയ കെട്ടിട ഉദ്ഘാടനം ചോനാടം കിൻഫ്ര പാർക്കിൽ ഞായറാഴ്ച വൈകീട്ട് നാലിന് മന്ത്രി എ.കെ. ശശീന്ദ്രൻ നിർവഹിക്കും. കഴിഞ്ഞ 17ന് ഉദ്ഘാടനം നടക്കേണ്ടതായിരുന്നു. അന്ന് അപ്രതീക്ഷിതമായുണ്ടായ ഹർത്താൽ കാരണം ഉദ്ഘാടനം മാറ്റിയതായിരുന്നു. ചടങ്ങിൽ എ.എൻ. ഷംസീർ എം.എൽ.എ അധ്യക്ഷത വഹിക്കും. ഉത്തരമേഖല ഡെപ്യൂട്ടി ട്രാൻസ്പോർട്ട് കമീഷണർ കെ.എം. ഷാജി റിപ്പോർട്ട് അവതരിപ്പിക്കും. ജില്ല പഞ്ചായത്ത് പ്രസിഡൻറ് കെ.വി. സുമേഷ്, ജില്ല കലക്ടർ മീർ മുഹമ്മദലി, ജില്ല പൊലീസ് മേധാവി ശിവവിക്രം എന്നിവർ വിശിഷ്ടാതിഥികളായിരിക്കും. തലശ്ശേരി ടൗൺഹാൾ പരിസരത്തെ വാടകക്കെട്ടിടത്തിലാണ് നേരത്തെ ഒാഫിസ് പ്രവർത്തിച്ചിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.